ஸ்ரீநடுத்தறியப்பர் திருக்கோவில், கன்றாப்பூர்,கோயில்கண்ணாப்பூர்,

 சிவன் கோயில், தேவாரத் திருத்தலங்கள்

 ஒரு ஒளிப்படத்தை உள்ளிடுக

SCN120 - ஸ்ரீமாதுமையம்மை உடனுறை ஸ்ரீநடுத்தறிநாதர் திருக்கோவில், கோயில் கன்றாப்பூர் சோழநாடு காவிரி தென்கரைத் தேவாரத்தலங்களுள் 120வது தலம்.HRRT - இந்து மத மறுமலர்ச்சிக்காக வணங்க வேண்டிய கோயில், ஈஸ்வரனை வணங்க அனுமதி மறுக்கப்பட்ட பெண் ஒருத்திக்கு, அவள் வணங்கிய கன்று கட்டிய ஆப்பிலேயே தோன்றி இறைவன் அருள் செய்த தலம். MuVT - மூலவர் விசேஷ தலம், அப்பெண்ணின் கணவன் ஆப்பை வெட்டிய தழும்புடனேயே இறைவர் இன்றும் காட்சி தருகிறார்.இவ்வூரில் உள்ள எல்லா நிலங்களும் அ/மி. நடுதறிநாதர் பெயரிலேயே பட்டாவாக உள்ளன. தனிப்பட்ட எவருக்கும் சொந்தமாக வேறு பட்டா நிலங்கள் இல்லையாம்.சமஸ்கிருதத்தில் ஸ்ரீவல்லிநாயகி சமேத ஸ்ரீவஸ்ததம்பபுரீஸ்வரர் ஆலயம் என அழைக்கப்படுகிறது.
shaivam.org/siddhanta/sp/spt_p_kanrappur.htm
அமைவிடம்:(1) நாகப்பட்டினம் - திருத்துறைப்பூண்டி சாலையில் வருவோர் சாட்டியக்குடி வந்து, அக்கூட்டுரோடில் பிரியும் சாலையில் 2 கி. மீ. சென்று, ஆதமங்கலம் தாண்டி, "கோயில் கண்ணாப்பூர் கூட்டுரோடு" என்று கேட்டு அவ்விடத்தில் வலப்புறமாக பிரியும் உள்சாலையில் 1 கி. மீ. சென்றால் தலத்தையடையலாம். (2) திருவாரூர் - திருத்துறைப்பூண்டி சாலையில் வருவோர் மாவூர் கூட்டுரோடு வந்து அங்குப் பிரியும் சாலையில் மருதூர் வந்து, அதற்கு அடுத்துள்ள "கோயில் கண்ணாப்பூர் கூட்டுரோடு" என்று கேட்டு அவ்விடத்தையடைந்து அங்கு (இடப்புறமாக) பிரியும் உள்சாலையில் 1 கி. மீ. சென்றால் தலத்தையடையலாம். கீழ் கண்ணாப்பூர் என்று ஊர் ஒன்றுள்ளது; தலம் அதுவன்று. எனவே, "கோயில் கண்ணாப்பூர் " என்று கேட்க வேண்டும்.