ნაქალაქარი სარკინე (მცხეთა) | არქეოლოგიური ადგილი

 არქეოლოგიური ადგილი  Add category

სარკინე ლოკალიზდება მცხეთის დასავლეთით 8 კმ-ზე, შიომღვიმის გზასთან, ჯოჯოხეთის ხევიდან მდ. ქსნამდე, სავანეთის ქედსა და გრძელ მინდორზე. ისტორიული წყაროებით სარკინე ქალაქად და დიდი მცხეთის უბნად არის მოხსენიებული. სარკინე შესწავლილ იქნა 1946-1980 წლებში. სარკინეს ძეგლები ორ ჯგუფად შეიძლება დაიყოს: ციხესიმაგრის ნანგრევები, რომლებიც ძირითადად სავანეთის ქედზე მდებარეობს და სახელოსნოს ნაშთები, რომლებიც გრძელ მინდორზე დადასტურდა. თუმცა, ორივე ნაწილში გვხვდება როგორც სახელოსნოს ნაშთები, ისე საცხოვრებელი ნაგებობები. სარკინეს ორივე უბანზე აღმოჩნდა რკინის საწური ბრძმედის ნანგრევები, ლითონის გამოსადნობი სახელოსნო, რომელიც რამდენიმე განყოფილებისაგან შედგება, საოქრომჭედლო სახელოსნო; ამ სახელოსნოში აღმოჩნდა რკინის ცულები, რკინისტარიანი ნიჩაბი, რკინის ისრისპირები, შუბისპირი, ქვის სათლელი იარაღების ნამზადები, ბრინჯაოს სხვადასხვა ნივთი. აქ გამოვლენილმა არტეფაქტებმა ცხადყო, რომ ქალაქში უმუშავიათ როგორც რკინაზე, ისე სპილენძზე და ტყვიაზე.
იხ.სურათებით"ნაქალაქარი სარკინე":memkvidreoba-gis.gov.ge/Home/Immovable/20435