ნასოფლარი ქილდა

 დაფარული (უკონტურო) ობიექტი, ნასოფლარი, უძველესი (ისტორიული) შენობის ან ნაგებობის ნანგრევები

ქილდა ნასოფლარად იქცა მას შემდეგ, რაც 1944 წელს სსრკ-ს მთავრობამ გადაასახლა აქ მცხოვრები მუსულმანი მესხები, მართლმადიდებელი მესხები კი სხვა სოფელში დაასახლა.
ნამოსახლარზე კარგად არის შემორჩენილი ნაგებობების კედლები, რომელთა სიმაღლე ზოგ შემთხვევაში 2 მეტრს აღემატება. ნაგებობები ნაგებია ქვით, მშრალი წყობით. ზოგიერთ მათგანზე გამოყენებულია საკმაოდ დიდი ზომის ქვები. საკმაოდ მრავლადაა დიდი ზომის ხაროები, რომლებიც როგორც ჩანს ნაგებობებს ებჯინებოდა და მათ საკუთრებას წარმოადგენდა.
ნაგებობებსა და ეზოებს შორის კარგად ჩანს ქუჩათა სისტემა.
ნამოსახლარის სამხრეთ-დასავლეთ ნაწილში არის მოკირწყლული გზა, რომელიც ეშვება ხეობისკენ.
ნამოსახლარის ჩრდილო-აღმოსავლეთ ნაწილში მდებარეობს სასაფლაო, ხოლო ნამოსახლარის ცენტრში X საუკუნის წმ.ესტატეს ეკლესიის ნანგრევები, დარანთა სისტემა...
აქვეა მეგალითური ციხის ნაშთები, მენჰირები,
სოფელში გასული საუკუნის 50-იან წლებამდე სახლობდნენ შემდეგი გვარები: ალელიშვილები, მაღრაძეები, გეგიძეები, ნადირაძეები, მაისურაძეები, ოქროაძეები, ხუციშვილები, მიქელაძეები, სამადაძეები, ხარშილაძეები, კუჭაიძეები, გოგოლაძეები და სხვ.
ქილდის ნამოსახლარი:memkvidreoba.gov.ge/objects/immovable/immovableObject?i...
ქილდა:saunje.ge/index.php?option=com_content&view=article&id=...