მწვანე გორა | ნანგრევები ( რუინები ), ისტორიული ადგილები

 ნანგრევები ( რუინები ), ისტორიული ადგილები

ბუნებრივი მწვანე ბორცვი მარნეულის მუნიციპალიტეტში, დებედას ხეობაში, სოფელ მამაის(კიროვკას) მიმდებარე ტერიტორიაზე მდებარეობს, რომელიც არქეოლოგიურ ობიექტს წარმოადგენს. ამ დრომდე აქ არქეოლგიური სამუშაოები არ წარმოებულა. აღნიშნულ ადგილზე 2014 წელს ჩატარდა დაზვერვითი სამუშაოები, რის შედეგადაც მიწის ზედაპირზე აიკრიფა ძირითადად შავპრიალა ზედაპირის მქონე კერამიკის ჭურჭლის ფრაგმენტები, ამასთანავე ბორცვის სამხრეთი ფერდის ზედაპირზე დაფიქსირდა სავარაუდო კედლის კონტურები.

აღნიშნულ ტერიტორიაზე 2015 წლის 22 ივნისიდან– 4 ივლისის ჩათვლით არქეოლოგიურ გათხრებს საქართველოს ეროვნული მუზეუმის და ჰარვარდის უნივერსიტეტის სპეციალისტების ერთობლივად აწარმოებდნენ.
სპეციალისტების განცხადებით, მოპოვებული კერამიკული მასალის მიხედვით, ბორცვი გვიან ბრინჯაო-ადრე რკინის ხანის ნამოსახლარს უნდა წარმოადგენდეს, რადგან ნაპოვნია კერამიკის და საცხოვრებლების ფრაგმენტები, ნამოსახლარის გარშემო კი არის თავდაცვითი ქვის გალავნის ფრაგმენტები.
დღეისათვის მწვანე გორა ერთ-ერთი ღირსშესანიშნავი ისტორიულ/არქეოლოგიური ძეგლია მარნეულის მუნიციპალიტეტში.
www.marneuli.gov.ge/es-marneulis-municipalitetia/688-mt...