მამხუტის( ყოფილი სარაჩლოს) ზედა და ქვედა ეკლესიები

 კულტურული მემკვიდრეობის ძეგლი/ეროვნული მნიშვნელობის ძეგლი, მართლმადიდებლური ეკლესია

მე-6 საუკუნეში აშენებული სარაჩლოს ზედა ეკლესია რესტავრირებულია. აღმ. სარკმლის თავზე წვრილი ორნამენტირებული წარბია, რომლის თავზეც ბოლნური ჯვარია გამოკვეთილი. ფასადის მორთულობა: რელიეფი; ცოკოლი, 2საფეხურიანი; სარკმლის თავსართი; კარნიზი(ლავგარდანი) - გეომეტრიული ორნამენტი; კარნიზი(ლავგარდანი) - აგური; კარი - სწორკუთხა ანუ არქიტრავული; სარკმელი - თაღოვანი.
მამხუტის ზედა ეკლესიას 2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.
ფოტოებით : memkvidreoba.gov.ge/objects/immovable/immovableObject?i...

მე-6-7 საუკუნეების სარაჩლოს ქვედა ეკლესია რესტავრირებულია. აღსანიშნავია, ინტერიერის მაღალი, აზიდული, კლასიკური პროპორციები; კედლის პერანგის ლამაზი, მოხდენილი წყობა; აფსიდის, სარკმლის თაღისა და კონქის თაღის ნალისებური მოყვანილობა. ეკლესიას კბილანა ლავგარდანი შემოუყვება.
მამხუტის ქვედა ეკლესიას 2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია
ფოტოებით : memkvidreoba.gov.ge/objects/immovable/immovableObject?i...
მამ(ნ)ხუტის(ყოფილი სარაჩლო) ეკლესიები: saunje.ge/index.php?id=1392&lang=en