ბულაჩაურის წმ.გიორგის ეკლესია (ბულაჩაური)

 კულტურული მემკვიდრეობის ძეგლი/ეროვნული მნიშვნელობის ძეგლი, მართლმადიდებლური ეკლესია

XIX საუკუნის ეკლესია დარბაზულია (12X7.5 მ). ნაგებია რიყის ქვითა და აგურით. ეკლესიას ორი შესასვლელი აქვს: სამხრეთიდან და დასავლეთიდან. სამხრეთის კარი შიგნიდან ოთხკუთხაა, გარედან - თაღოვანი. აბსიდი ნახევარწრიულია და დარბაზისაგან გამოყოფილია ორსაფეხურიანი მხრებით. აბსიდის ღერძზე გაჭრილია თაღოვანი სარკმელი, რომლის ორივე მხარეს განლაგებულია ორ-ორი ნიში. საკურთხევლის მსგავსი ფართო სარკმლებია ჩატანებული ჩრდილოეთის, სამხრეთის და დასავლეთის კედლებშიც. გრძივი კედლების შუაში თითო პილასტრია. მათ ეყრდნობა თაღი, რომელზეც კამარაა გადაყვანილი. აღმოსავლეთის ფასადზე, სარკმლის ზემოთ აგურით გამოყვანილია პოსტამენტზე აღმართული ჯვარი.
ეკლესიის გარშემო რიყის ქვით ნაგები ოთხკუთხა გალავანია აშენებული.
ეკლესია ხიმშიაშვილების საკრძალავს წარმოადგენდა, რომელთა სამარხები ტაძრის ეზოშია განლაგებული.
2020 წელს ეკლესიას მიენიჭა კულტურული მემკვიდრეობის ძეგლის სტატუსი.
წმ. გიორგის სახ. ეკლესია:memkvidreoba.gov.ge/objects/immovable/immovableObject?i...