Горні замак Гедыміна (Вільня)

 замак, цікавая месца

ХІ ст. заснаваньне паселішча і драўлянага замку крывічамі.
1323– першае узгадваньне мураванага замку Гедыміна. 1419 – моцны пажар, пасьля якога Горні замак быў капітальна перабудаваны Вітаўтам. 1655– замкі занчна пашкоджаны расійскім войскам. 1800-1801 – вялікакняскі палац зьнесены расейскімі уладамі.
1864 - на тэрыторыі Горняга замку, дзе месьціўся расейскі гарнізон пасьля павешаньня быў таемна пахаваны Кастусь Каліноўскі, кіраўнік нацыянальна-вызваленчага паўстаньня 1863-1864 гг. на Літве і Беларусі.
Пач. ХХ ст. – кансэрвацыя руінаў Горняга замка, вежы Гедыміна.1948-1950 – рэстаўрацыя вежы Гедыміна, адкрыцьцё музэя
Горні замак
Узьвядзеньне мураванага замку ў Вільні распачаў Гедымін, адначасова з пераносам сюды сталіцы ВКЛ. Першай была збудавана магутная вежа на усходнім баку замкавай гары, якая пазьней атрымала назву вежа Гедыміна. У час Вітаўта быў збудаваны шыкоўны гатычны палац і скончана будаўніцтва мураваных абарончых муроў і вежаў, з якіх толькі вежа Гедыміна захавалася да сёньня, ад усіх астатніх збудаваньняў засталіся толькі рэшткі.