Ծաղկաբերդ

 town (en)  Add category

Ծաղկաբերդ, գյուղական համայնք Լեռնային Ղարաբաղի Հանրապետության Քաշաթաղի շրջանում: Տեղաբաշխված է հանրապետության հարավարևմտյան հատվածում։ Բերձոր շրջկետնտրոնից գտնվում է 32 կմ հեռավորության վրա, իսկ մայրաքաղաք Ստեփանակերտից՝ 80 կմ հեռավորության վրա։ Համայնքը լեռնային է, ունի 6448,3 հա տարածք, որից 2868,0 հա գյուղատնտեսական նշանակություն, 3431,3 հա անտառային հողեր։ Ծաղկաբերդ համայնքի սահմանային գոտով հոսում է Հագարի գետը։ Համայնքի մեջ ընդգրկված է Մարաթուկ գյուղը, որտեղ բնակվում է 18 մարդ, կա 5 տնտեսություն։ Ազատագրվել է 1993 թվականի սեպտեմբերին, բնակեցվել է 1994 թվականին՝ Ադրբեջանից բռնագաղթած հայ փախստականներով։ Ծաղկաբերդ համայնքի բնակչության թվաքանակը կազմում է 221 մարդ, կա 61 տնտեսություն։ Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ: