Руіны палацу Сапегаў пач. XVII ст. (Гальшаны)

 замак, руіны, разваліны, conservation (en), гістарычна значнае месца, пакінуты аб'ект, цікавая месца, помнік архітэктуры (гісторыі)

Гальшанскі замак,помнік палацава-замкавай архітэктуры 17—20 ст. Пабудаваны ў канцы 16-пач. 17 ст. напаўд,-ўсх. ускраіне мяст. Гальшаны, на левым беразе р. Гальшанкі. Да сярэдзіны 16 ст. феад. рэзідэнцыя размяшчалася на гарадзішчы, што знаходзілася за 1,5 км на У ад вёскі, на правым беразе ракі Карабель (левы прыток р. Гальшанкі). На новае месца перанесена, відаць, Багданам Сапегам.Замак не аднойчы быў разбураны, перабудаваны ў 2-й пал. 18 ст. і ў пач. 20 ст., што значна змяніла яго вонкавы выгляд і аб'ёмна-прасторавую кампазіцыю (страчаны галерэі, надбрамная вежа, дэкаратыўнае афармленне сцен, да фасадаў прыбудаваны 2 пяцігранныя 2-павярховыя прыбудовы). Замак - мураваны прамавугольны ў плане 3-павярховы будынак (94,9 х 78,4 м). Яго карпусы з 4 шасціграннымі вежамі, накрытымі шатровымі дахамі, утваралі замкнёны амаль квадратны двор (65,4 х 57,4 м). Арачны праезд зроблены ў шматграннай надбрамнай вежы, прыбудаванай да гал. фасада паўн.-ўсх. корпуса. Захаваліся палавіна глаўн.-зах. корпуса і прыбудова да яго, больш за палавіну паўн.-ўсх. корпуса і паўн. вуглавая вежа.