ნათლისღების (ზიარების) შვერილაფსიდიანი ეკლესია (ოფრეთი) | მართლმადიდებლური ეკლესია

 მართლმადიდებლური ეკლესია  Add category

მე-19 საუკუნის დარბაზული ტიპის ეკლესია (13,8X6,5 მ. ) აღმოსავლეთით განსზრულებულია ერთი შვერილი აფსიდით. ტაძარი ნაგებია ფლეთილი ქვით და არათანაბარი წყობით. კედლის კუთხეებში, კარის და სარკმლის წირთხლებში დამუშავებული მოზრდილი ქვებია გამოყენებყული. აფსიდი ღრმაა და გეგმაში ნალისებურ მოხაზულობას უახლოვდება. ჩრდილოეთით ორი სწორკუთხა ნიშებია განთავსებული. საკურთხეველი მთავარი სივრცისგან გამოყოფილია ქვის სამმალიანი სადა კანკელით და ამბიონი ორი საფეხურით შემაღლებულია. საკურთხვევლში ტარპეციის ფორმის ტრაპეზის ქვაა. სამხრეთ და ჩრდილოეთ კედლებზე პილასტერბია დარჩენილი. ეკლესიას კამარა არ აქვს და ხის ძელებზე დამაგრებული თუნუქის ახალი, ორფერდა სახურავითაა გადახურული. ეკლესიაში ჩრდილოეთ კედლის ქვეშ და საკურთხევლის მიმდებარედ შემოედინება წყარო. (ამ წყალში ინათლებოდნენ ბავშვები) ინტერიერში, დასავლეთ ფასადზე ჩართულია ჯვრისა და ფიგურებიანი რელიეფური ფილა.
ტაძრის შიგნით ბეტონის ხსნარით მოსხმული ახალი იატაკია. ტაძარს სამხრეთიდან არქიტრავული შესასველი ორმაგი წრეების გამოსახულებითაა შემკული, რომლის თავზე ჯვრის და ნათლისღების გამოსახულებიანი რელიეფური ქვებია ჩართული. აფსიდში გაჭრილია სამი თაღოვანი სარკმელი, ხოლო ეკლესიის დანარჩენ ფასადებში თითო თაღოვანი სარკმელია განთავსებული.
იხილეთ სურათებით memkvidreoba.gov.ge/objects/immovable/immovableObject?i...