ვეჯინის ციხე და სამონასტრო კომპლექსი

 ციხე-სიმაგრე, მონასტერი, ღირსშესანიშნაობა ტურისტებისათვის, მართლმადიდებლური ეკლესია

ვეჯინის ციხე, რომელიც ისტორიულ წყაროებში ჰერეთის ციხედაცაა ცნობილი, თავის დროზე მნიშვნელოვან საუკუნეებში ქართულ სამეფოთა ურთიერთშორის ბრძოლის ასპარეზი და მტრის შემოსევების ჟამს საიმედო თავდაცვითი ობიექტი იყო.
მთის რელიეფიდან გამომდინარე, ციხე სამხრეთიდან ჩრდილოეთის მიმართულებითაა წაგრძელებული და საკმაოდ უსწორო გეგმა აქვს. ნაგებია რიყის ქვით. შედგება ორი ნაწილისგან - ქვედა და ზედა ციხისგან. ციხეს დასავლეთ მხრიდან ციცაბო კლდე ესაზღვრება, სამხრეთიდან და აღმოსავლეთიდან - მკვეთრად დაქანებული ფერდობები, ხოლო ჩრდილოეთიდან და ჩრდილო-აღმოსავლეთიდან ადვილად მისადგომია. ამიტომ ამ მხრიდან, გალავნის წინ მოწყობილი ყოფილა განიერი და ღრმა თხრილი ,რომლის სიგანეა 6 მეტრი, სიღრმე 3 მეტრი და სიგრძე 100 მეტრამდე.
ზედა ციხის(ციტადელის) ტერიტორიაზე დგას სამი ეკლესია:
XIV საუკუნის ამაღლების ეკლესია დარბაზში შემორჩენილი ფრესკებით( ჩრდილოეთ-აღმოსავლეთ კიდეში).
წმინდა მარიამის ეკლესია დგას ამაღლების ეკლესიის დასავლეთით, ათიოდე მეტრზე. სამხრეთიდან მასზე მიდგმულია ორსათულიანი სამრეკლო, რომლის ოთხივე მხარეს თაღებით გახსნილი I სართული ეკლესიის კარიბჭის მოვალეობას ასრულებს. ეკლესია სავარაუდოდ XIV საუკუნით თარირდება, სამრეკლო XVI საუკუნით.
სამრეკლოს სამხრეთით 4 მეტრზე დგას XVI საუკუნეში აგებული აღდგომის ეკლესია.
ციტადელის სამხრეთ ბოლოში, ყველაზე მაღალ ადგილას, სქელი, კონტრფორსებიანი გალავნით შემოზღუდული ეზოს სამხრეთ კიდეში აღმართულია მძლავრი სამსართულიანი კოშკი.
ციხის ჩრდილოეთით ღრმა ხევში კოდისწყლის მარჯვენა ნაპირზე, დგას " წელის კოშკი", რომლის ქვეშ ციხიდან გამომავალი გვირაბი გადის. რიყის ქვით ნაგები ცილინდრული კოშკი შემორჩენილია სამი სართულის სიმაღლეზე. IV სართული, როგორც ჩანს, კედელშემოვლებული ღია ბანი იქნებოდა.
იხ.სურათით"ამაღლების სახელობის მამათა მონასტერი":
memkvidreoba.gov.ge/objects/immovable/immovableObject?i...
www.myvideo.ge/v/1339978