Тракай (Трокі)

 горад, курорт, цікавая месца, адлюстроўваць толькі контур, раённы цэнтр

Тракай (Трокі). Горад на паўднёвым усходзе Літвы, паміж Тракайскімі азёрамі. Насельніцтва: 6,7 тыс. (1989), 5,7 тыс. (2001), 4,9 тыс. (2011). Вузел аўтадарог, чыгуначная станцыя. Харчовая і мясцовая прамысловасць. Турыстычны цэнтр. Ландшафтны заказнік. Заснаваны у канцы XII стагодзя. У XIV-XV ст. значны палітычны цэнтр Вялікага княства Літоўскага, рэзідэнцыя вялікіх князёў. У 1409г атрымаў магдэбурскае права. У 1413-1795гг адміністратыўны цэнтр Трокскага ваяводства ВКЛ. З 1795г у Расійскай імперыі, адміністратыўны цэнтр Трокскага павета Віленскай губерніі (1795-97, 1801-1820). У 1920-1922гг у Срэдняй Літве. З 1922 года у складзе Польшчы. З кастрычніка 1939г у Літоўскай Рэспубліцы (у 1940-1990гг у Літоўскай ССР). З часоў сярэдневякоўя некаторую частку насельніцтва складаюць беларусы.
Старая частка горада сфарміравалася да XV ст., з'яўляецца помнікам горадабудаўніцтва. Захаваліся рэшткі замка XIII ст. на паўвостраве. Тракайскі замак, касцёл Вітаўта (1409г, перабудаваны у XVIII ст. ў стылі барока), руіны кляштара бернардзінцаў (XVII-XVIII ст.), кінеса (храм караімаў; 1-я палова XIX ст.), палац Тышкевічаў (1896г, архітэктар І. Хус) і іншыя.