ვაჩნაძიანის ყველაწმინდის სამონასტრო კომპლექსი

 კულტურული მემკვიდრეობის ძეგლი/ეროვნული მნიშვნელობის ძეგლი, მართლმადიდებლური ეკლესია

VIII-IX სს-ის მიჯნით დათარიღებული ყველაწმინდის მონასტერი, მდებარეობს სოფლების ვაჩნაძიანისა და კალაურის მიდამოებში, ტყეში. მონასტრამდე მისასვლელი ძველი გზა სოფელ კალაურიდანაა. ამ გზით მონასტრამდე ექვსიოდე კილომეტრია. სამეცნიერო ლიტერატურაში ძეგლი ცნობილია „ვაჩნაძიანის ყველაწმინდის” სახელწოდებით.
მონასტერი წარმოადგენს კომპლექსს, რომელშიც შედის მთავარი ნაგებობა - ყველაწმინდის დიდი გუმბათოვანი ეკლესია(რომლის სახელსაც მონასტერი ატარებდა ) და მასთან ახლოს მდგარი სამეკლესიიანი ბასილიკა - წმინდა გიორგის სახელობისა და სავარაუდოდ შორიახლოს მთის წვერზე მდგარი სამების ეკლესია.
გუმბათოვან ეკლესიას გარს ევლებოდა გალავანი. აგურით ნაშენი გვიანდელი კარიბჭის დასავლეთის მხარეს გალავნის ჩრდილო - აღმოსავლეთ კუთხეში, მიჯრით მდგარი ორი მოზრდილი სამონასტრო ნაგებობაა. ერთი მათგანი, რომლის კედლებში ბევრი ნიშაა, როგორც ჩანს, სატრაპეზო უნდა ყოფილიყო. გალავანთან სამხრეთ - აღმოსავლეთით პატარა შენობაა, ხოლო სამხრეთით გეგმით კვადრტული ნაგებობა. ბაზლიკური ეკლესიის ჩრდილო - აღმოსავლეთით ასევე რაღაც სათავსია. გარდა ამისა, სხვადასხვა ადგილებზე შეიმჩნევა ნაგებობათა ნაშთები. ბაზილიკური ეკლესიის ჩრდილო - დასავლეთით, ოდნავ ქვემოთ, ღარტაფში, მონასტრის წყაროა, რომელიც გადახურულია წნელის ქარგილზე ჩამოსხმული კამარით.
2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.
ვაჩნაძიანის ყველაწმინდა:memkvidreoba.gov.ge/objects/immovable/immovableObject?i...
ვაჩნაძიანის ყველაწმინდის ტაძარი:memkvidreoba.gov.ge/objects/immovable/immovableObject?i...
ვაჩნაძიანის ყველაწმინდა. გალავანი:memkvidreoba.gov.ge/objects/immovable/immovableObject?i...
ვაჩნაძიანის ყველაწმინდა. ეკლესია ბაზილიკური:
memkvidreoba.gov.ge/objects/immovable/immovableObject?i...
სამების ეკლესია:memkvidreoba.gov.ge/objects/immovable/immovableObject?i...
ვაჩნაძიანის ყველაწმინდა. სამრეკლო:
memkvidreoba.gov.ge/objects/immovable/immovableObject?i...