Sirugramam Sivan Temple | Shiva temple

 Shiva temple  Add category

மங்களாம்பிகை உடனுறை சோமநாதசுவாமி கோயில் தமிழ்நாட்டில் கடலூர் மாவட்டம், சிறுகிராமம் என்னும் ஊரில் அமைந்துள்ள சிவன் கோயிலாகும். இந்த சிறுகிராமம் பண்ருட்டி- திருக்கோயிலூர் நெடுஞ்சாலையில் உள்ள குமாரமங்கலம் என்ற ஊரில் இருந்து இரண்டு கிமி தூரத்தில் உள்ளது.

சிறுகிராமம் என்றால் நூறு குடி (குடும்பம்) உள்ள ஊர் என பெயர். அந்தணர்களுக்கு தானம் கொடுக்கப்பட்டு நூறு குடிகள் குடியமர்த்தப்பட்டு இருக்கலாம்.

பழமையான கோயில் தற்போது காணப்படவில்லை, ஐம்பது வருடங்களுக்குள் புதிதாய் கட்டப்பட்டு தற்போதைய நிலையில் உள்ளது. இறைவன் சோமநாதர் கிழக்கு நோக்கிய கருவறையிலும் அம்பிகை மங்களாம்பிகை தெற்கு நோக்கியும் உள்ளனர். இறைவன் கருவறையின் எதிரில் நீண்ட மண்டபம் உள்ளது.
இறைவனின் வாயிலில் இடதில் விநாயகரும், வலதில் தண்டாயுதபாணியும் உள்ளனர். கருவறை கோட்டத்தில் தென்முகன், துர்க்கை தவிர வேறு சிலைகள் ஏதும் இல்லை, சண்டேசர் தனி சன்னதியில் உள்ளார்.

பழமையான, சேதமடைந்த ஒரு விநாயகர், தென்முகன் அம்பிகை சிலைகள் தென்புற சுவரோரம் ஓரமாக வைக்கபட்டு உள்ளன. வடகிழக்கில் நவகிரகம், பைரவர் உள்ளனர்.