Памятны знак «Полацк — калыска беларускай дзяржаўнасці» (Полацк)

 стэла  Дадаць катэгорыю

Памятны знак «Полацк — калыска беларускай дзяржаўнасці» пачалі ўсталёўваць 25 жніўня 2017 г. недалёка ад Сафійскага сабора. Урачыстае адкрыццё запланавана на 2 верасня падчас святкавання Дня беларускага пісьменства.
Аўтар памятнага знака — мінскі скульптар Уладзімір Піпін. Ягоны твор увасабляе сабой з аднаго боку калыску, з якой пачынаецца жыццёвы шлях, а з другога — ладдзю, што плыве з мінулага ў будучыню па хвалях часу.
На шчытах, злучаных у адзіную звязку, знаходзяцца партрэты знакамітых гістарычных асоб — ад першага полацкага князя Рагвалода і яго дачкі Рагнеды да легендарнага Усяслава Чарадзея і вялікай асветніцы Еўфрасінні Полацкай. На адваротным баку скульптар размясціў ключавыя падзеі станаўлення нашай дзяржаўнасці.
Знак вышынёй 5,5 метра адлілі ў бронзе ў сталіцы. Вага манумента разам з валуном, на якім ён стаіць, — амаль 8 тон.