Keezha Amaravathi sivan temple

 Shiva temple  Add category

 Upload a photo

வலங்கைமானில் இருந்து ஆலங்குடி செல்லும் சாலையில் நான்கு கிமி தூரத்தில் உள்ளது வெட்டாறு ஆறு. இந்த ஆற்றை தாண்டியவுடன், ஆற்றின் தென் கரையில் உள்ளது கீழ அமராவதி. சிறிய கிராமம் அதில் கிழக்கு நோக்கியபடி உள்ளது ஆலயம் சிறிய கோயில் எனினும் இது அட்ட திக்கு பாலகர்களில் முக்கியமானவரான குபேரன் வழிபட்டது. குபேரன் தனது செல்வத்தினை இழந்து பொலிவிழந்து நின்றபோது இத்தலத்தில் லிங்கமும் அருகில் தீர்த்தமும் அமைத்து வழிபட்டான். இதனால் தான் இழந்த சங்கநிதி பதுமநிதி போன்ற நிதியங்களை பெற்று வளமாக வாழ்ந்தான். அதனால் இத்தலத்தில் உள்ள இறைவனை வழிபடுவோர் இழந்த செல்வத்தை திரும்ப பெறுவார்கள், சொத்து பிரச்னை உள்ளவர்கள் வழிபடவேண்டிய தலம்.

ஒரு முறை குபேரன் பிரம்மனை நோக்கி தவம் இருந்தபோது தனன் பெரும் செல்வத்தினை காக்கும் பொறுப்பு பெற்றவனாக இருக்க வேண்டும் என கேட்டார், பிரம்மன் அவரை அட்ட திக்கு பாலகர்களில் ஒருவனாக வைத்து புஷ்பக விமானம், சங்க நிதி பதும நிதி ஆகியவறை அளித்தார்.

இறைவன் விஸ்வநாதர் இறைவி விசாலாட்சி , இறைவனின் நேர் எதிரில் நந்தி மண்டபம் ஒன்றும் அதில் அழகிய நந்தியும் உள்ளது. இறைவன் கருவறை வாயிலில் சித்தி விநாயகர் உள்ளார் சிறிய கோயிலானாலும் கீர்த்தி மிக்கது என்பதால் அன்பர்கள் அவசியம் வழிபடவேண்டிய வேண்டிய கோயில் இது.