ხინოს ნამონასტრალი | ნანგრევები ( რუინები ), მართლმადიდებლური ეკლესია

 ნანგრევები ( რუინები ), მართლმადიდებლური ეკლესია

ეკლესია თავისი მშენებლობის ტექნიკითა და ქვის წყობით მიეკუთვნება VIII-IX საუკუნეებს. ზოგიერთი კედლის ფრაგმენტი 2-3 მ-ს აღწევს. ზომების მიხედვით (18X10) შეიძლება ვიმსჯელოთ, რომ ეკლესია თავის დროზე შედარებით დიდ ნაგებობას წარმოადგენდა.
ხინოწმიდის ეკლესია ქობულეთის მუნიციპალიტეტის სოფელ ზემო ხინოში, მდინარე კინტრიშის სათავის, საკირიის ღელის პირასაა აღმართული. სოფლის სახელწოდების შესახებ ზეპირი გადმოცემა არსებობს, რომლის თანახმადაც ამ სოფელში ერთხელ თამარ მეფეს მოულხენია და სახელი “ხინო” დამკვიდრებულა. ხინოწმინდის ეკლესია იოანე ნათლისმცემლის სახელზე ყოფილა აგებული. ეკლესიის ეზო რიყის ქვებისაგან ნაგები გალავნითაა შემოსაზღვრული, აგების თარიღად X –XI საუკუნეები მიიჩნევა. აღსანიშნავია ხინოწმინდის ეპარქიის ჩამოყალიბების ისტორია, რომელიც ქართული მართლმადიდებელი ეკლესიის მრავალსაუკუნოვან ისტორიას უკავშირდება. ამ დროს დასავლეთ საქართველოს სამი საეკლესიო ოლქი – ლაზიკა, აფხაზეთი და ჯიხეთი კონსტანტინეპოლის საპატრიარქოს ფარგლებში შედიოდა. ისტორიული წყაროები ცხადყობს, რომ ხინოწმინდაში საუკუნეების განმავლობაში “იჯდა ეპისკოპოსი მწყემსი ხინოს წყლის სამხრეთისა ჭოროხამდე”. ხინოწმინდის საეპისკოპოსო კათედრამ არსებობა ოსმალთა შემოსევის დროს შეწყვიტა.
მონასტრამდე მიდის ტურისტული მარშრუტი " უთხოვარი და ტბა ტბიყელი" / 37 კმ, 2 დღე, საფეხმავლო და საცხენოსნო, საშუალო სირთულის /.
www.google.com/maps/d/u/0/viewer?mid=1n2sp-gOL_gWYIh2z0...
სურათებით:
ხინოს მონასტერი : memkvidreoba.gov.ge/objects/immovable/immovableObject?i...
ხინოს ეკლესია : memkvidreoba.gov.ge/objects/immovable/immovableObject?i...
ხინოს მონასტრის გალავანი : memkvidreoba.gov.ge/objects/immovable/immovableObject?i...
ხინოს სამონასტრო კომპლექსის შემადგენელი ნაგებობები :
memkvidreoba.gov.ge/objects/immovable/immovableObject?i...