Мемарыяльны комплекс «Ахвярам фашызму» (Бабруйск)

 воінскі мемарыял, брацкая магіла, Вялікая Айчынная вайна

Мемарыяльны комплекс адкрыты 3 ліпеня 2014 года. Архітэктар Леанід Левін, працуючы над канцэпцыяй мэмарыялу, імкнуўся сумленна і шчыра раскрыць гісторыю трагедыі, што адбылася тут трагедыі ў першы год Вялікай Айчыннай вайны. Фашысты, каб знішчыць ваеннапалонных, вазілі іх у жорсткі холад распранутымі на чыгуначных платформах. Не выпадкова ў цэнтр кампазіцыі з белага бетону (куба мужнасці) уразаецца чыгуначная платформа, на якой стаіць ваеннапалонны салдат Чырвонай Арміі, хаваючы сваей шынялем чалавека. Брацкая магіла на тэрыторыі Бабруйскай крэпасці апынулася апошняй калыскай для 560 чырвонаармейцаў і 95 грамадзянскіх асоб. Гэта апошняя праца заслужанага архітэктара Беларусі Леаніда Левіна, аднаго з аўтараў мемарыяльнага комплексу "Хатынь". Над помнікам у Бабруйску ен працаваў разам з вядомым беларускім скульптарам Аляксандрам Шапо.