Дешат

 планина, невидлив

 Подигни слика

Дешат е планина на македонско-албанската граница, дел од веригата Шар-Кораб-Дешат-Крчин-Стогово-Караорман. Највисок врв е Веливар (Вели врв) со 2,373 метри. Други високи врвови се Дели Сеница и Сува Бара. Има неколку малки глациални езерa. Најпопуларно е езерото Локув, кое се наоѓа на североисточниот дел на планината на 1,560 метри надморска височина и е најниско глацијално езеро во Македонија. Од источната страна тече реката Радика, која ја дели од Бистра и Стогово. Поголем дел од планината е во Национален Парк - Маврово.

Планината е добро покриена со шуми. Од растителнојадните цицачи ги има еленот, дива свиња, срна, дивокоза. Од ѕверовите се среќаваат мечка, волк, рис, лисица. Има и повеќе видови птици.