Караорман

 планина, невидлив

 Подигни слика

Караорман е македонска средновисока планина што се протега во западниот дел на Македонија. Името на планината потекнува од турските зборови кара - црна и орман – планина. Се протега во меридијански правец север – југ, помеѓу долината на Црни Дрим на запад и долините на Песочанска Река и Сатеска на исток. Највисок врв е Орли Врв (1.794 м). Доста е пошумен, по што го добил и името. Караорман е формиран со набирање во текот на терциерот и заедно со планината Стогово претставува една целина која се протега како венец со оформен синклинален блок во форма на хорст. Геолошкиот состав е претставен со кристалести шкрилци, додека на повисоките делови се наоѓаат варовници. Во правец север–југ планинското било постепено се спушта во Охридско-струшката Котлина.