Плакенска (Пространска) Планина

 планина, невидлив

Плакенска Планина или Пространска Планина — средновисока планина во Западна Македонија со динарски правец на протегање СЗ–ЈИ. Највисок врв е Плаке (1.999 м), по којшто некои ја нарекуваат „Плакенска Планина“, а висок е и врвот Коњарник (1.919 м). Во источното подножје се наоѓа селото Прострање по што се нарекува и „Пространска Планина“. Се протега помеѓу долината на Боишка Река и Демир Хисар на исток и котлината Дебарца на запад. Кон југ билото на Плакенската Планина продолжува во Бигла. Геолошкиот состав е претставен со кристалести шкрилци преку кои лежат тријаски варовници. Кон запад течат Голема и Коселска Река, а кон исток Пространска, Вировска Река и Големача, притока на Боишка Река. Планинските страни се под шума, а високите делови под планински пасишта