Свіслацкі замак (Свіслач)

 замак, ruined castle (en), археалагічнае месца, гарадзішча, цікавая месца

Свіслацкі замак існаваў у 12—17 стагоддзях каля вёскі Свіслач (цяпер Асіповіцкі раён Магілёўскай вобласці). Гарадзішча «Замчышча», звязанае з гісторыяй мястэчка Свіслач і Свіслацкага княства (14 ст.), размешчана на мысе правага берага р. Бярэзіна, у якую справа ўпадае р. Свіслач.
На месцы замка са старажытных часоў існавала гарадзішча. Археалагічныя даследванні высветлілі, што яно існавала яшчэ ў раннім жалезным веку. У ніжнім культурным гарызонце падчас археалагічных раскопак вынайдзены рэчы адпаведнага часу (6 ст. да н.э. — 1 ст. н.э.) — жалезная шпілька з 5-падобным завітком, нож, шлакі, каменная зерняцёрка, фрагменты штрыхаванай керамікі.
Археалагічна фіксуецца факт разбурэння замка манголамі (рэчыўны матэрыял з мангольскай атрыбутыкай, слой пажарышча ў стратыграфіі гарадзішча) ў сярэдзіне ХІІІ ст.
У сярэдзіне 17 стагоддзя замкавая пляцоўка мела форму прамавугольніка (72,8 х 63,5 м), была аддзелена ад астатняга плато шырокім (каля 15 м) дугападобным ровам і ўмацавана па краі земляным валам. Над узроўнем вады ў Свіслачы замчышча ўзвышалася на 12 м.
Замак быў разбураны рускімі войскамі ў верасні 1654 г.
be.wikipedia.org/wiki/%D0%A1%D0%B2%D1%96%D1%81%D0%BB%D0...