ცხმორისის ჯამე (მეჩეთი) (ცხმორისი)

 მეჩეთი, კულტურული მემკვიდრეობის ძეგლი/ეროვნული მნიშვნელობის ძეგლი

ქედის მუნიციპალიტეტის სოფელ ცხმორისის ცენტრში, მჭიდროდ განაშენიანებულ უბანში, აღმოსავლეთით დაქანებულ ფერდობზე დგას მინარეთიანი ჯამე (მეჩეთი), რომელიც 1892-1893 წლებშია აგებული.
ჯამე (მეჩეთი) ახალი განახლებულია, მიშენებული აქვს მინარეთი და ხის ფასადები მთლიანად თუნუქის კორპუსშია ჩასმული, ისევე როგორც, ძველი კრამიტის საბურავი ახალი თუნუქის საბურავით არის ჩანაცვლებული.
ცხმორისის ჯამე (მეჩეთი) აჭარული მეჩეთების ტიპიურ ნიმუშს წარმოადგენს, რომლის ინტერირსა და ექსტერიერში მრავლადაა დაცული არაბული ეპიგრაფიკისა და ხეზე კვეთის შესანიშნავი ნიმუშები. ჯამეს ტრადიციული გეგმარება და საფასადო წყობა ამჟამად მნიშვნელოვნად მიჩქმალულია თუნუქის დამცავი ფირფიტების ქვეშ; თუნუქით არის დაფარული მინარეთის კოშკიც, რომელიც არ წარმოადგენს ჯამეს ავთენტურ ნაგებობას.
2006 წელს ჯამეს (მეჩეთს) მიენიჭა კულტურული მემკვიდრეობის ძეგლის სტატუსი.
ცხმორისის ჯამე :memkvidreoba.gov.ge/objects/immovable/immovableObject?i...