हर्णे बंदर

 समुद्र किनारा, बंदर

हर्णे बंदरात रोज एक कोटी रुपयांची उलाढाल होत असली तरी यापकी बहुतेक रक्कम मच्छीमारांना टप्प्याटप्प्याने दिली जाते. बंदरात मच्छीमारांनी आणलेला मासळीचा साठा मत्स्यव्यावसायिकांकडून उधारीवरच घेतला जातो आणि तो मुंबई, गोवा, कोची येथील कंपन्यांना रवाना केला जातो. संबंधित कंपन्यांकडून त्याचा मोबदला मिळाल्यानंतर एक-दीड महिन्यांत मच्छीमारांची रक्कम अदा केली जाते. हण्र बंदरात गेले अडीच महिने ही रक्कम मिळालेली नसल्याने येथील मच्छीमारांत नाराजी होती. पण गेल्या दोन दिवसांतच मच्छीमारांची सर्व थकबाकी अदा झाल्याने बंदरात दिवाळीचे वातावरण निर्माण झाले आहे. पण हे सर्व व्यवहार पाचशे आणि हजार रुपयांच्या नोटांमध्ये झाले असून आतापर्यंत उधारीवर होणारी मासळी साठय़ाची उचलही मत्स्यव्यावसायिकांकडून रोखीत होऊ लागल्याने हे व्यवहार संशयाच्या भोवऱ्यात सापडले आहेत. येथे दोन दिवसांत शंभर कोटी रुपयांचा व्यवहार झाल्याची चर्चा सुरू आहे.