महादेव मंदिर( पात्रातील दोन्ही दीपमाळांच्या बाजूला असलेल्या अशीच वैशिष्ट्ये)

 हिंदू मंदिर  गट निवडा

 Upload a photo

पंचगंगा नदीच्या पाण्याची पातळी कमी होऊ लागल्याने नदी पात्रातील मंदीरांची वैशिष्ट्ये उघड होऊ लागली आहेत . या मंदिरांवरील कोरीव काम आणि बांधकामातील कौशल्याचा वापर कशा पद्धतीने केला आहे हे यातून स्पष्ट होत आहे . सध्या पाण्याची पातळी कमी झाल्याने मंदिरांमध्ये चिखल झाला आहे . तो धुवून काढण्यासाठी मंदीराच्या चौथऱ्यांवर उमाळे फुटले आहेत . त्यातून येणाऱ्या पाण्यामुळे मंदिराची स्वच्छता होत आहे . निसर्ग आणि बांधकाम कौशल्याच्या हा अजोड नमुना आहे .
पंचगंगा घाट हा अनेक वैशिष्ट्यांनी साकारला आहे . नदीपात्रात विविध देवतांची मंदिरे आहेत . वर्षभर ही मंदीरे पाण्याखाली असतात . त्यामुळे त्यातील सौंदर्य पाहता येत नाही . आता मात्र नदीपात्रातील पाणी कमी झाल्याने मंदीरातील कलाकुसर पाहण्याची संधी मिळत आहे . पात्रातील दोन्ही दीपमाळांच्या बाजूला असलेल्या महादेव मंदिरातील अशीच वैशिष्ट्ये समोर येत आहेत . हे मंदीर चौथऱ्यावर बांधण्यात आले आहे . पाण्यामुळे हा चौथरा दिसत नव्हता . आता मात्र पूर्ण चौथरा मोकळा झाल्यामुळे माती काढण्यात आली आहे . चौथऱ्यावर पाण्याचे सहा उमाळे फुटले आहेत . त्यामुळे तेथील चिखल धुतला जात आहे .नदीपात्रातील मंदिरांचे बांधकाम वैशिष्ट्यपूर्ण आहे . त्या काळातील बांधकामे किती कौशल्याने केली जात होती याची साक्षच यातून मिळते . चौथरा हा नदीपात्राच्या बाजूला उतरता आहे . त्यामुळे पाण्याचा प्रवाह पात्राच्या दिशेने जाऊन चौथऱ्यावरील पूर्ण माती धुऊन नदीपात्रात जात आहे . नदी पात्रातील पाण्याची पातळी आणखी कमी झाली तर अजूनही काही वैशिष्ट्ये उघड होण्याची शक्यता अभ्यासकांनी व्यक्त केली आहे .