ამამლო(ჰამამლო)(ყოფ.ვარძაგარა)

 სოფელი  Add category

 Upload a photo

ამამლო(ჰამამლო) (ყოფ.ვარძაგარა) — სოფელი საქართველოში, ქვემო ქართლის მხარის დმანისის მუნიციპალიტეტში, მდებარეობს მდინარე შავწყაროსწყლის (მაშავერის შენაკადი) მარცხენა ნაპირზე. ზღვის დონიდან 1160 მეტრზე, დმანისიდან დაშორებულია 9 კილომეტრით.
სოფლის სამხრეთით, 1 კმ-ზე, ძველი ნამოსახლარია, გალავანშემორტყმული XII საუკუნის თამარის ეკლესიითა და მცირე სასაფლაოთი. დასავლეთ ფასადზე წვრილი მთავრულით ამოკვეთილ სამშენებლო წარწერაში მოხსენიებული არიან მეფეთმეფე თამარი და ერისთავი კახა, მისი დედა კრავაი და ძეგლის აღმშენებელი ბეღელას ძე ოქროპირი. წარწერიანი ქვა დაცულია საქართველოს სახელმწიფო მუზეუმში.
ძველ სასაფლაოზე შემონახული იყო დიდი ქვაჯვარი კვარცხლბეკზე ამოკვეთილი ვრცელი ქართული წარწერით, იგი ამ ტიპის ძეგლთა ერთ-ერთ მნიშვნელოვან ნიმუშს წარმოადგენდა. 1964-მდე ჯვარი ჯერ კიდევ იდგა. ამჟამად შემორჩენილია მხოლოდ ფოტოსურათი. ჯვარი და მოჩუქურთმებული ქვედა ნაწილი VIII-IX საუკუნეებს მიეკუთვნება. კვარცხლბეკის წარწერა XIII-XIV საუკუნეებით თარიღდება.
ამამლოს მახლობლად დგას შუა საუკუნეების მოხატული ეკლესია(ადგილმდებარეობა დასაზუსტებელია).
დევი ბერძენიშვილი ".ვარძაგარა": www.dzeglebi.ge/statiebi/istoria/varzagara.html
matsne.gov.ge/ka/document/download/3365048/0/ge/pdf