Խաչան լիճ

 լիճ  Add category

 Upload a photo

Խաչի լիճ, Խաչան լիճ, Խաչլվա ծով: Ավանդության համաձայն, այս լճի տեղը նախապես մի աղբյուր է եղել. Պռոշ թագավորն ուզում է իր հավլունի թուրը գցել այդ աղբյուրի մեջ, որպեսզի յուր մեռնելուց հետո, երեք որդոց մեջ խռովություն չծագի: Անդրանիկ և միջնեկ որդիները առանձին առանձին թուրը տանում են, բայց չեն գցում։ Թագավորին դա պարզ է դառնում, քանի-որ որևիցե դեպք տեղի չի ունենում: Բայց երբ թագավոր հայրը թուրը տալիս է կրթսեր որդուն. սա հոր հրամանը ճշտությամբ կատարում է: Թուրն աղբյուրի մեջ գցելուն պես՝ աղբյուրն հորդանում, փրփրում, և ափերից դուրս գալով սկսում է ծավալվել: Տղան ձին քշում է քառասմբակ, բայց ձիու ետին ոտքերը միևնույն է ջրի մեջ են մնում, մինչև սահմանյալ տեղն հասնելը կանգ է առնում, և ազատվելով վերադառնում է հոր մոտ եղելությունը պատմելու: Հրամանը կատարված էր: Ցամաքի վրա արքայորդիների սպասվելիք խռովությունը փոխադրվում է նոր գոյացած լճի հատակը: Հավլունի թուրը (կամ Թուր-Կեծակին) կռվախնձոր է դառնում ծովային քաջքերի միջև, և հաղթողը հանդիսանում է քաջքերի թագավորը, որը թրին տիրելով, շարունակ իր վրա է պահում, կամ դնում է գլխի տակ՝ հանգստանալիս: Ամեն ուրբաթ օր մի ահեղ կռիվ է տեղի ունենում քաջքերի միջև թրին տիրանալու համար: Ծովն ալեկօծվում է, հատակը դղրդում, ջրերը փրփռում և պղտորվում են: Դրանով էին բացատրում Կոփեցի ծերերը յուրաքանչյուր ուրբաթ օրվա ջրերի պղտոր լինելը, մինչդեռ իրողությունն այն է, որ լիճը գոյացել է լեռնային հեղեղներից, հետևապես այն պղտոր է. այնտեղից բխող գետակը կոչվում է Քոռ-ջուր: