The map created by people like you!

Широк Сокак (Битола)

Широк Сокак (познат и како „битолското корзо“) е најфреквентната улица во Битола. Официјалното име на улицата е „Маршал Тито“, но попозната е како „битолското корзо“. Во почетокот била наменета за автомобили, меѓутоа денес е исклучиво пешачка улица и вистинското срце на градот. На Широк Сокак се наоѓаат најголемите продавници, ресторани, театарот со опера, галерии и многу други кафулиња и клубови. Тука се сретнуваат најстарите архитектонски дела и градби на Балканот, коишто го красат градот уште од турско време. Типично турски куќи, покрај прекрасните вили, не се реткост во овој дел на градот. А на самиот крај на Широк Сокак се наоѓа спортската сала Младост и се влегува во простран цветен парк полн со дрвореди, којшто води до стадионот Тумбе кафе, зоолошката градина и античкото пронаоѓалиште Хераклеја Линкестис.

Во 1904. пионерите во киното браќата Милтон и Јанаки Манаки купуваат парцела на Широк сокак, кадешто во 1905 година го наместија фотографското ателје.

Официјалното име во времето на Османската империја било „Султание“ или „Хамидие“. Со потпаѓањето на градот во Србија во текот на Меѓусојузната војна во 1913, името на улицата е променето на „Крал Петар“ а потоа во времето на СФРЈ, улицата била наречена „Маршал Тито“.
Wikipedia article: http://mk.wikipedia.org/wiki/Широк_Сокак
Nearby cities:
Coordinates:   41°1'23"N   21°20'13"E
  •  117 km
  •  139 km
  •  264 km
  •  340 km
  •  388 km
  •  411 km
  •  411 km
  •  440 km
  •  441 km
  •  546 km
This article was last modified 7 years ago