Кочо Десановски-Десано (Битола)

 биста  Додај категорија

Кочо Десано (вистинско име Кочо Вангелов Десановски) (Битола, 1920 - Скопје, 1942) бил македонски партизан, борец во НОВ против фашистичките окупатори за слободна Македонија. По занимање бил занаетчија - столар. За време на окупаторскиот режим на стара Југославија бил истакнат синдикалист. По окупацијата на Битола, Десано бил примен за член на КПЈ. Во подготовките на исфрлување на првиот партизански одред „Пелистер“, Десано ги одржувал каналите по кои се префрлале илегалците до над селото Лавци. По априлската провала бил уапсен. Му било судено од фашистички суд кој го осудил на смрт со бесење. Смртната казна била извршена во 1942 година во Скопје. Негови потомци и денес живеат во Битола и се занимаваат со уметност.