ნახიდური (ყოფ. არა(უ)ხლო)

 სოფელი  Add category

 Upload a photo

ნახიდური (ყოფ. არა(უ)ხლო) — სოფელი საქართველოში, ქვემო ქართლის მხარის ბოლნისის მუნიციპალიტეტში. ნახიდურის თემის შემადგენლობაში. მდებარეობს მდინარე ქცია-ხრამის მარჯვენა ნაპირზე. ზღვის დონიდან 420 მეტრ სიმაღლეზე. ქალაქ ბოლნისიდან დაშორებულია 15 კილომეტრით. 2014 წლის აღწერის მონაცემებით სოფელ ნახიდურის მოსახლეობა შეადგენს 3 686 ადამიანს.
სოფელსა და მიმდებარე მიდამოებშია:

1.XVII-XVIII სს. გუმბათიანი „ყვითელი ეკლესია“(სარი ქილისა)
2. IX-X სს. ეკლესია "არახლოს ძველი ეკლესია სასაფლაოთი": memkvidreoba.gov.ge/objects/immovable/immovableObject?i...
3.მეჩეთი
3. IX-X სს. ეკლესია ( მიდამოებშია)
სოფელ ნახიდურთან 1599 წელს გაიმართა ბრძოლა მეფე სოლომონ პირველსა და ოსმალოებს შორის. ოსმალთაგან გორის ციხის გათავისუფლების შემდეგ (გორის ბრძოლა) თავრიზის ბეგლარბეგმა სულთნის ბრძანებით საქართველოში ილაშქრა. ჯარი ალგეთის ხეობაში, სოფ. ნახიდურთან დაბანაკდა. ქართლის მეფე სიმონ I მტერს მცირერიცხოვანი ლაშქრით მიეგება. ქართველთა ჯარის თავმოყრა დამთავრებული არ იყო, ამიტომ მეფეს ბრძოლის დაწყებას არ ურჩევდნენ, მაგრამ სიმონ I-მა რჩევა არ მიიღო და მტერს მედგრად შეუტია. თვით მეფე მამაცურად იბრძოდა ბრძოლის შუაგულში. დაახლოებით ხუთსაათიანი ბრძოლის შემდეგ ოსმალთა რიცხოვრივი უპირატესობის შედეგად ქართველები იძულებული გახდნენ უკან დაეხიათ. ოსმალებმა ბრძოლით მისდიეს ქართველთა ლაშქარს. სოფ. ფარცხისთან (ახლანდელი თეთრი წყაროს რაიონი), ვიწრო გზაზე, სიმონ I ცხენიანად ჩაეფლო და იძულებული გახდა დანებებოდა ოსმალთა სარდალს.
სოფლის მახლობლადაა არუხლოს გორა,რომელზეც გათხრილია ენეოლითური ხანის (ძვ. წ. V - IV ათასწლეულები) ფენები (ალიზის მრგვალი საცხოვრებელი სახლები, სამეურნეო ორმოები და სხვა). არუხლოს გორას შემოვლებული ჰქონდა თავდაცვითი თხრილი. აღმოჩენილია ქვიშანარევი თიხის ნაძერწი ჭურჭელი, მიწის დასამუშავებელი ქვის, რქისა და ძვლის იარაღი, ქვის ქანდაკებები, ალიზის ძირბრტყელი, ამობურცულზედაპირიანი აგურები და მრგვალანაბეჭდებიანი თიხის ბულა, რომელზედაც ირემი და ლომია გამოსახული.