Ciudad ti Makati

 siyudad, second-level administrative division (en)

Ti Ciudad ti Makati ket maysa kadagiti kaimportantean a ciudad iti Filipinas iti pakaseknan a financia ken comercio. Masarakan iti daya ti Manila, ti Makati ket maysa kadagiti ciudad ken il-ili a mangbukel iti Nailian a Capitolio a Rehion wenno National Capital Region (NCR). Am-ammo ti Makati kas "Finansial a Capitolio ti Filipinas" maigapu iti kaadda iti ciudad dagiti ofisina ken kuartel ti adu a dadakkel a compania ken negosio iti pagilian. Iti met laeng Makati ti yan ti mabigbig a Makati Business Club ken ti Philippine Stock Exchange. Ti Ayala Avenue, a nanglasat iti katengngaan ti Central a Distrito ti Negosio iti Makati, ket maaw-awagan pay iti Wall Street ti Filipinas.

Naggapu ti "Makati" iti Tagalog a balikas a kati, a kayatna a sawen ket atab. Mainaig daytoy iti panagngato ken panagbaba ti atab iti Karayan Pasig iti umamianan a beddeng ti ciudad.