მყინვარწვერი (ყაზბეგი) 5054 მ.

 მთა, stratovolcano (en), აღნიშნეთ მხოლოდ ობიექტის კონტური

მყინვარწვერი არის მწვერვალი, რომელიც ყველა გემოვნების ადამიანს იზიდავს. აუცილებელი არაა იყოთ მთამსვლელი ან მეკლდეური რომ ამ საოცარ მწვერვალზე შედგათ ფეხი. აქ მოხვედრა ყველა ადამიანს შეუძლია, ვინც არ დაიზარებს და სწორ დროს, საჭირო აღჭურვილობით, გამოცდილ გუნდთან ერთად ეწვევა მას.


მდებარეობა
მყინვარწვერი მდებარეობს ყაზბეგის მუნიციპალიტეტში, ხოხის ქედზე. მისი სიმაღლე ზღვის დონიდან 5054 მეტრია, თუმცა ზოგიერთი წყარო იუწყება, რომ ის 5033 მეტრს არ აღემატება. თუ გსურთ, გაიგოთ სიმართლე, აუცილებლად ეწვიეთ საკუთარი GPS მოწყობილობით და გაგვიზიარეთ თქვენი ვერსია. მყინვარწვერიდან ეშვება რამდენიმე მყინვარი: სუათისი, მნა, ორწვერი, დევდარაკი და სხვა. აქედან იღებს სათავეს მდინარე თერგი. მყინვარწვერი საქართველოში სიმაღლით მესამე მწვერვალია, ის სულ რაღაც 150 მეტრით ჩამოუვარდება უმაღლეს მწვერვალ შხარას. მყინვარწვერის კლასიკური მარშრუტი იწყება გერგეტის სამებიდან.

georgiantravelguide.com/ka/mqinvartsveri