ნეაპოლი

 დედაქალაქის სახელმწიფო / პროვინცია / რეგიონი, აღნიშნეთ მხოლოდ ობიექტის კონტური, UNESCO World Heritage Site (en)

ნეაპოლი არის ისტორიული ქალაქი სამხრეთ იტალიაში. ის არის კამპანიის რეგიონის და ნეაპოლის პროვინციის დედაქალაქი. ნეაპოლი ცნობილია თავისი მდიდარი ისტორიით, ხელოვნებით და კულტურით. ნეაპოლი განლაგებულია ორ ვულკანურ არეას შორის: ვეზუვის მთასა და ფელეგრინის ველებს შორის.,ნეაპოლის ყურეში.

ნეაპოლი დაარსეს ძველმა ბერძნებმა და დაარქვეს ნეა პოლის (ახალი ქალაქი). იგი საკმაოდ დიდ როლს თამაშობდა, როგორც რომის იმპერიის ცენტრალური პროვინცია. ნეაპოლი იყო სამეფოს დედაქალაქი, რომელსაც 1282—1816 წლამდე ერქვა ნეაპოლის სამეფო (ინგლ. Kingdom of Naples), მოგვიანებით ის შედიოდა სიცილიის შემადგენლობაში და იყო ორი სიცილიის დედაქალაქი იტალიის გაერთიანებამდე.

დღეს ნეაპოლი მესამე მჭიდროდ დასახლებული ადგილია მთელს იტალიაში მილანისა და რომის შემდეგ, ხოლო მეთხუთმეტე მთელს ევროპაში. ნეაპოლის მოსახლეობა 3.8 მილიონს შეადგენს. მოსახლეობის უდიდესი ნაწილი დასახლებულია ესპანურ კვარტლებში. ცენტრალურ ნეაპოლში ცხოვრობს 1 მილიონი ადგილობრივი მცხოვრები-ნეაპოლელები (Neapolitans). ადგილობრივი მოსახლეობა საუბრობს ნეაპოლიტანურ ენაზე, რომლის რემდენიმე დეალექტზეც საუბრობს თითქმის მთელი სამხრეთ იტალია.

პიცის წარმოშობა დაკავშირებულია ნეაპოლთან. ცნობილია ამ ქალაქის კულტურა: ნეაპოლთან აკავშირებენ მადოლინის (მუსიკალური საკრავის) წარმოშობას. ცნობილია ნეაპოლიტანური ფოლკლორული მუსიკაც. არსებობს უამრავი პოპულარული ფიგურა და ნიშანი, რომლებიც ცნობილია როგორც ნეაპოლის სიმბოლოები:მთავარი წმინდნის — Januarius-ის, Pulcinella-ს სიმბოლო და საყვირები.