გორაძირის მთები | საინტერესო ადგილები

 საინტერესო ადგილები, დაფარული (უკონტურო) ობიექტი, აღნიშნეთ მხოლოდ ობიექტის კონტური

გორაძირი — ძვ. წ. VII-IV საუკუნეების არქეოლოგიური ძეგლი, წარმართული სატაძრო კომპლექსი სამაროვნითურთ. მდებარეობს საჩხერის მუნიციპალიტეტის სოფ. კორბოულთან, ადგილ „გორაძირზე“, სოფლის სამხრეთ-აღმოსავლეთით, დაახლოებით 2 კმ დაშორებით მდებარე ორი გორიდან უმაღლესზე (ჩრდილოეთით მდებარე გორა).
1997-1998 წლებში გაითხარა სატაძრო კომპლექსი, რომელიც გორის თხემზეა გამართული. იგი ორფენიანია. ზედა ფენა წარმოადგენს დაახლოებით 60-70 მ² ფართობის ფლეთილი ქვით ნაგებ სწორკუთხა შენობას, რომლის აღმოსავლეთ ნაწილში გამოვლინდა ქვის ცალპირი წყობით ნაშენი შიდა კედლის ნაშთიც. ნაგებობის ცენტრალურ ნაწილში მომწვანო ფერის თიხის, კუბის ფორმის ორი პოდიუმი გაიწმინდა. ფენაში აღმოჩენილი მრავალრიცხოვანი არქეოლოგიური მასალიდან (კერამიკა, რკინის ნივთები) ყურადღებას იქცევს თეფშის ფორმის ორი ჭურჭელი, რომელზეც დაძერწილია სფერულმუცლიანი პატარა კოჭბები. ფენა ძვ. წ. V-IV საუკუნეებით თარიღდება
ყვირილის ხეობის არქ. ექსპედიციის (ხელმძღვ. დ. თუშაბრამიშვილი) კორბოულის რაზმის მიერ 1967 წლის აგვისტოს და 1968 წლის ივლისში ჩატარდა სადაზვერვო-გათხრითი სამუშაოები საჩხერის რაიონის სოფ. კორბოულის მახლობლად, ადგილ გორაძირზე. გაითხარა 3 ყორღანი და 4 ორმოსამარხი. გამოვლინდა დიდი რაოდენობით კერამიკული მასალა, მცირე რაოდენობით ბრინჯაოს ნივთები და სხვა.
memkvidreoba.gov.ge/objects/immovable/immovableObject?i...