Arsenali | ruins (en), armory (en)

 ruins (en), armory (en)

Arsenali ndodhet në zonën e Agorasë, në perëndim të Prytaneion-it, në një ambient të mbyllur nëntokësor me përmasa të brendshme 18,20 x 6,20 m. Në këtë monument mund të shohim qartësisht tre periudhat historike që ka ekzistuar qyteti i Bylisit, atë helenistike, romake dhe antikiteti i vonë. Një kolonadë e brendshme qendrore shërbente për të mbajtur dyshemenë e katit të parë. Ambienti ka qenë rindërtuar në fillim të shek. I m. Kr. duke përdorur një muraturë të tipit opus reticulatum. Në një rindërtim të tretë është ripërdorur në pragun e hyrjes një mbishkrim latin i vitit 137 m. Kr., kushtuar me dekret të dekurionëve birit të adoptuar të Hadrianit, Lucius Elius Cesarit. Një mbishkrim tjetër latin i gjetur në këtë ambient i kushtohej me dekret të dekurionëve perandorit Antonin Pius dhe datohet në vitin 140 m. Kr. Rindërtimet e mëvonshme nuk lejojnë të përcaktohet funksioni i saktë i këtij ambienti, por integrimi në agora dëshmon se kishte karakter publik, ndoshta shërbente si një arsenal për armët.

Tabela, Janar 2022: i.imgur.com/HKyuK9J.jpeg