Hövsan qəsəbəsi

 qəsəbə, yaşayış yeri

Hövsan qəsəbəsi Bakı şəhərinin qədim yaşayış yerlərindən biridir. 1966-cı ildə o qəsəbə statusu alaraq Bakı şəhərinin inzibati ərazisinə daxil edilmişdir. Abşeron yarımadasının cənubunda yerləşir.
Statistik məlumatlara əsasən qəsəbənin əhalisi 39100 nəfər, qeyri-rəsmi məlumatlara əsasən isə qəsəbədə əhalinin sayı 50000 nəfərə yaxındır.
Əhalinin əsas fəaliyyəti heyvandarlıq, quşçuluq və əkinçilikdir. Hövsan qəsəbəsində 6 ümumtəhsil orta məktəb (76, 118, 196, 270, 280 və 281 saylı), bundan başqa 16 saylı Laçın orta məktəbi 76 saylı orta məktəbin nəzdində fəaliyyət göstərir.
Bundan əlavə 7 uşaq bağçası (126,163, 203, 263, 270, 273, 311 saylı), Mirzaağa Əliyev adına mədəniyyət evi və Hövsan mədəniyyət sarayı, 23 saylı şəhər poliklinikası, 16 saylı uşaq poliklinikası, 37 saylı musiqi məktəbi, 89 saylı poçt məntəqəsi və onun filialı, 47 və 57 saylı ATS-lər, 35 saylı Dövlət Notariat Kontoru, Beynəlxalq bankın iki , Kapital Bankın isə bir ödəmə məntəqələri, iki qaz istismar məntəqəsi, RMKTB-nin 103 və 104 saylı MKİS-i, 1 saylı TTT və Sosial Xidmətlər İdarəsinin 2 saylı MİS-i fəaliyyət göstərir
Bundan başqa qəsəbədə 2 məscid, 1 mədrəsə, 1 Qərib ağa adına ziyarətgah yerləşir.
Əhalinin istirahəti və asudə vaxtının mənalı keçirilməsi üçün qəsəbə ərazisində 2 istirahət parkı, 1 idman kompleksi və 1 kütləvi kitabxana fəaliyyət göstərir. Həmçinin qəsəbə ərazisində bir sıra sənaye müəssisəsi və digər idarələr də yerləşir.
Qəsəbədə 2008-ci ilin sonunadək şəhid alələri və Qarabağ müharibəsi əlilləri üçün 2 ədəd 36 mənzilli yeni yaşayış binası tikilib istifadəyə veriləcəkdir. Hal - hazırda Olimpiya İdman Kompleksinin tikintisi davam etdirilir.

Qəsəbənin tanınmış şəxsiyyətləri

1. Əliyev Mirzəağa Əmi oğlu – (1883-1954) SSR-nin Xalq artisti
2. Ağayev Ülfət Xanəli oğlu – kimya elmləri doktoru
3. Rəhmanov Pənah Əbdülrəhman oğlu – filologiya elmləri doktoru
4. Almazov Vərağa Qəmbər oğlu - filologiya elmləri doktoru
5. Səmədov Zərbəli Cavad oğlu - kimya elmləri doktoru
6. Hacıyevə Nazirə Meşədi Maarif qızı - kimya elmləri doktoru
7. Qılmanov Soltan Novruzali oğlu – General, Polis Akademiyasının
rəisi vəzifəsində çalışmışdır.
8. Almasov Mirzə Yarəhməd oğlu – General, Cəmşid Naxçıvanski
adına Liseyin rəisi vəzifəsində çalışmışdır.
9. Ağadadaş Minuri - yazıçı

[web.archive.org/web/20161014064141/panoramio.com/photo/...]