Fortaleza de Monterreal

 hotel, castelo, turismo

A Fortaleza de Monterreal atópase na península de Monte Boi xunto ao mar. Este lugar xa foi habitado hai máis de 2000 años por celtas, fenicios, e romanos. A fortaleza, formada por un recinto amurallado de 3 Km e 18 hectáreas de superficie, empezouse a construir no seculo XI. Dentro deste recinto e no máis alto atópase o Parador Nacional de Turismo "Conde de Gondomar". Un magnífico parador de catro estrelas que leva funcionando dende 1966. Dentro deste bonito entorno do Monte Boi está tamén a Ermida do Carme, un hórreo, un cruceiro e un fermoso paseo que bordea o exterior da fortaleza dando acceso ás praias que o rodean. Os seus elementos constructivos máis destacables son a muralla, os seus baluartes, torres e portas.
Torres do Príncipe, do Reloxio e da Tenaza.
A torre máis antiga é a Torre do Príncipe, do século XV. Esta torre foi un antigo faro guía de navegantes e nel estivo preso o Infante Afonso Enriques de Portugal en 1173. Moi probablemente o nome da torre proveña deste suceso. A torre orixinal foi destruida no 997 por Almanzor e reconstruida anos máis tarde polo rei Afonso V. A Torre do Reloxio é do século XVI, debe o seu nome ao reloxio que poseía. Esta torre está orientada cara terra e usábase para avisar dos ataques que procedían do mar facendo sonar a campá que tiña no seu alto para que todas as igrexas do Val Miñor tocaran as súas campás avisando dos perigos. A Torre da Tenaza, dirixida cara a bahía de Baiona, foi construida en tempos dos Reis Católicos no século XVI. Cumpriu funcións de prisión e polvorín.
Portas do Sol, Real, do Pozo, de Felipe IV e Nova.
A Porta do Sol do século XVI era a porta de entrada á antiga vila de Monterreal, e estaba situada a carón da Torre do Reloxio. A Puerta Real, do século XVI, foi mandada construir polos Reis Católicos. A Puerta do Pozo, situada na beira do mar, comunicaba coa antiga horta dos padres franciscanos xunto ao que hoxe se coñece como praia dos frades. A Porta de Felipe IV é do século XVII, ten o escudo dos Austrias e é pola que hoxe en día se accede á praia da Barbeira. Por último a Porta Nova que pertence ao século XX.
Baterías no Baluarte da Ponte. Pódense ver 15 troneiras con dúas do revés batendo á porta principal. A Batería da porta de Santo Antón encargábase da defensa do interior do porto e parte da entrada. Esta batería está formada por oito troneiras. A Batería de Santiago está formada por tres cañoneiras apuntando cara o mar e a das ferrerías por seis cañoneiras encargadas de defender o istmo que forma o monte coa parte de terra.