Nərgiz təpə

 təpə  Add category

Ən son döyüşləri Xocavəndin yaxınlığındakı alınmaz qala olan qədim Nərgiz təpə uğrunda oldu. Son döyüşdə bu təpənin uğrunda 36 şəhid verdilər. Onda da aprel idi. Onda da aprel ayının 17-si idi. Bir neçə dəfə həmlə etdikdən sonra, alınıb-verildikdən sonra, Nərgiz təpəni işğalçıların əlindən ala bildilər. Nərgiz təpə o yurddur ki, üstündə nə qədər qanlar tökülüb. Ta bineyi-qədimdən bu elin insanları buraya elə Nərgiz təpə deyərdilər. Bu strateji əhəmiyyətli yerin alınmasında onlara bəlkə də qədim türk xaqanlarının ruhları kömək olmuşdu. İndi Nərgiz təpənin ön tərəfi Qarabağ müharibəsi şəhidlərinin xatirə abidəsi, arxa tərəfi isə qədim qəbiristanlıqıdır. Tarixçilərin dediyinə görə üzərində müxtəlif yay, ox və digər döyüş alətlərinin şəkli yonulmuş baş daşları qədim Oğuzların qəbirləridir. Qədim oğuzların məskəni olmasını Nərgiz təpədə arxeoloji qazıntılar zamanı tapılan əşyalar da xəbər verir. Ən maraqlı cəhət isə ondan ibarətdir ki, tarixçilər bu yerin 6-7-ci əsrdəki türk tayfalarına məxus olduğunu, hətta Dədə Qorqudun başına yığılan elin-elatın burada yaşadığını əminliklə qeyd edirlər.

Ermənistan silahlı qüvvələri 2017-ci il fevralın 24-25-nə keçən gecə böyük strateji əhəmiyyət daşıyan Nərgiz təpəni işğal etmək üçün hücuma keçiblər.Lakin, Azərbaycan silahlı qüvvələri qarşı keçirdiyi əməliyyat zamanı düşmənin atəş mövqelərinə və cəmləşmə nöqtələrinə qarşı müvafiq cavab tədbirləri həyata keçirib.