Пијанец

 регија, невидлив

 Подигни слика

Делчевската Котлина или Пијанец е котлина која се наоѓа во источниот дел на Македонија, во горниот тек на реката Брегалница.

Котлината има меридијански правец на протегање (југ – север) во должина 15–16 км, а ширина 4–5 км. Пијанец е тектонска котлина што настанала помеѓу планините Влаина од исток, Голак од запад и ограноци од Осоговските Планини на север. Од соседната Беровска Котлина е одвоена со хорстот – планината Бејаз Тепе. Зафаќа површина од 590 км². Дното на котлината е на височина 560–580 м. Во текот на плиоценот во котлината егзистирало езеро, кое кон крајот на плиоценот и почетокот на плеистоценот, почнува да истекува преку најнискиот дел предиспониран со раседнување, помеѓу ограноците на Голак и на Осогово, при што е изградена длабоката клисура на Брегалница. Континенталната клима е погодна за развој на овоштарството посебно за сливарството.