Малешевски Планини

 планина, невидлив

 Подигни слика

Малешевските планини се средновисоки планини во источниот дел на Република Македонија и југоизападниот дел на Република Бугарија. Припаѓаат на громадните планини од Родопската маса. Се протегаат лачно во правец јз–си. Должината на главното било изнесува 32 km а површина на планината е 315 km².. Билата се заоблени, а највисоки врвови се Џами Тепе (1.801 m) и Ченгино Кале (1.748 m), најисточната точка на Република Македонија. Брегалница и Ратевска Река длабоко се всечени во старите палезоитски карпи - некаде речиси кањонски. Билата се голи, а планинските страни се покриени со букова и дабова шума.

Геолошкиот состав е претставен со кристалести шкрилци, а во пониските делови спрема Беровската Котлина се покриени со неогени седименти. Преку билото на планината минува делумно македонско-бугарската граница. На највисоките делови се наоѓа изворскиот дел на реката Брегалница.