श्रीक्षेत्र सोनारी (ता. परांडा) येथील भैरवनाथ देवस्थान (Sonari)

 हिंदू मंदिर  गट निवडा

दूषित पाणी प्यायल्याने सोनारी (जि. उस्मानाबाद) येथील दोनशेपेक्षा अधिक माकडांचा मृत्यू झाला होता. येथील प्राचीन जलकुंडातील पाण्यातील जीवाणूजन्य रोगामुळे या माकडांचा मृत्यू झाल्याचे आता स्पष्ट झाले आहे.

श्रीक्षेत्र सोनारी (ता. परांडा) येथील भैरवनाथ देवस्थान परिसरातील दोनशेहून अधिक माकडे मृत झाली. याबाबत उलटसुलट चर्चा झाली. दूषित पाणी प्यायल्याने त्याचा संसर्ग झाला व माकडे मृत झाली , अशी चर्चा होती. या प्रकरणी डॉ. बाबासाहेब आंबेडकर मराठवाडा विद्यापीठाच्या जैव तंत्रज्ञान विभागाने येथील पाण्याचे नमुने तपासले असता , त्यामध्ये अॅन्थ्रॅक्सचे विषाणू आढळून आल्याचे त्यांनी म्हटले आहे. शिवाय आगामी काळात सोनारी परिसरात संसर्गजन्य आजार फैलावण्याची भीतीही यांनी व्यक्त केली होती. पुणे येथील राज्य आरोग्य प्रयोगशाळेतील शास्त्रज्ञांनीदेखील येथील जलकुंडातील पाण्याचे नमुने तपासणीसाठी नेले होते. त्यांच्या तपासणीत जलकुंडातील पाण्यात कोलीफॉर्म्स , एरमोऍलरेट आदी जिवाणू आढळून आल्याचे त्यांनी म्हटले आहे. हे पाणी प्यायल्याने माकडांना रक्त अतिसाराची लागण झाली. शरीरातील फुफ्फुस व हृदय यांना संसर्ग होवून त्याचा परिणाम किडनीवर झाला आणि यात माकडांचा मृत्यू झाल्याचे अहवालात म्हटले आहे.