रानीपोखरी । (Mirlung VDC) | mountain, interesting place

 mountain, interesting place

 Upload a photo

यो मिर्लुङ्कोटको डाँडामा अवस्थित छ । यस पोखरीसँग ऐतिहसिक सम्बन्ध पनि जोडिएको छ । बिशेष गरेर मडकिना-मुलाबरी, छहरे र राइले गाउँका गोठलाहरुले आफ्ना गाई बस्तुहरुलाई पानी खुवाउने यो अत्यन्त महत्वपूर्ण पोखरी मानिन्छ ।
'रानी' र 'पोखरी' मिलेर 'रानीपोखरी' शब्दको निर्माण भएको हो । अत: किम्बदन्ति अनुसार बाइसे-चौबिसे राज्याको बेला मिर्लुङकोटमा पनि राजा थियो भन्ने अनुमान छ । अहिले पनि मिर्लुङकोटको डाँडामा गएर अवलोकन गर्ने हो भने त्यस बेलाका राजदरबारका भाग्नावषेश अझै देखन सकिने तथ्यले यही कुरा प्रमाणित गर्दछ । यस विषयमा गहिरो अध्ययन भने हुनै बाँकी छ । भानिन्छ, त्यस बेलाका रानीले नुहाउनको निमित्त वा अन्य कामको प्रयोगको निम्ति यही पोखरीको पानी प्रयोग गर्ने गरेकोले पनि यो पोखरीको नाम रानीपोखरी रहन गएको हुनुपर्छ ।
मिर्लुङ्कोट पर्यटन बिकासको हिसाबले पनि त्यतिकै महत्व राख्दछ । किनभने यो डाँडा वरपरका डांडाहरु भन्दा अग्लो मात्र होइन यो डाँडाबाट चारैतिर देखिने प्रकृतिको मनोरम सुन्दरताले मनै हर्छ भन्दा अत्युक्ति नहोला । अहिले यो डाँडाको फेदैसम्म अथवा राइले गाउँसम्म मोटर जाने हुनाले त्यस मोटर बाटोलाई यो डाँडाको टुप्पैसम्म लैजान सके यसको पनि दिन नफर्केला भन्न सकिन्न ।