Salla Black Box (Tiranë)

 theatre (en)  Add category

Në vitin 1994, fondacioni Soros ofroi donacion për një projekt të plotë e të kompletuar për kriimin e një teatri eksperimental, ku teknikat do të ishin bashkëkohore. Një vit më vonë filloi adaptimi i ambienteve për realizimin e tij. Projekti për teatrin pas përfundimit të ndertimit u pezullua për mungesë fondesh, por rifilloi në vitin 2000, kësaj radhe duke u mbyllur me sukses.

Sot salla e “Black-Box” është një sallë moderne, ku eksperimentohen nga studentët forma të ndryshme teatrore. Aktualisht në të zhvillohen aktivitete të ndryshme teatrore e kulturore, kryesisht projekte të viteve të 3-ta dhe të 4-ta të fakultetit të Artit Skenik, por gjithashtu edhe aktivitete të tjera.

Kjo sallë ka një strukturë teknike të plotë me aparatura profesionale ndriçimi dhe fonie. Skena, me një sipërfaqe 10m x 8m është funksionale, me një sistem gridë-tubacionesh të kryqëzuara në tavan, ku fiksohen prozhektorët, perdet, dekoret etj.

Sipari është me hapje elektrike. Ka një strukturë të lëvizshme për cikloramën, e cila ngushton ose zgjeron thellësinë e skenës.
Prozhektorët janë manualë, por me aksesorë kontrolli pool operation.
Audienca është e vendosur në platforma të shkallëzuara që realizojnë një kënd shikimi normal për çdo spektator në sallë. Ka gjithsej 195 poltrona komode për spektatorët.
Ka sistem kondicionimi që realizon kushte të mira ajrimi dhe temperature në sallë, me nivel të papërfillshëm zhurme.
Ka dy dhoma zhveshje dhe grimi, të pajisura edhe me banjo e dushe.


Teatri eksperimental B-box është i përbërë nga 2 salla:

• Salla e madhe me dimensione 24m x 12m x 6m
• Salla e vogël me dimensione 12m x 10m x 6m


Teknika e kontrollit ndriçim e foni për të dyja sallat është e vendosur në një kabinë kontrolli të vetme që i dominon të dyja.