Манастир Св. Петка

 манастир, Македонска Православна Црква - Охридска Архиепископија

Манастирот Света Петка, с. Велгошти, Охрид.
На падините на ридот, "Олмец" се наоѓа манастирот Света Петка. На средната страна од надворешниот дел на петтостраната апсида е забележан следниот запис: "Света Петка. Изградена по повелба на цар султан Абдул Хамид. Со помош на народот во времето на игуменот Наум Илиев. Во лето 1890, 22 мај".
Света Петка е едноброда базилика со две куполи. Иконостасот е нов, но има икони што се регистрирани како споменици на културата при Републичкиот завод за заштита на спомениците, меѓу кои е Богородица со Христа. Има киват од 1833 год. Под сегашната црква има остатоци од малтер на пештерска црква.
Црквата е проширена во 1922 год. за време на свештеникот од с.Велгошти Алексо Шокароски. Името на монахињата Параскева, односно Петка, на Балканот се појавило на крајот на 10 и почетокот на 11 век. Св.Петка (Параскева) е позната со својата чудотворна моќ за лечење на тешки заболувања.
За градбата на манастирот Света Петка има легенда во која се вели дека Велгоштани почнале да градат црква во знак на благодарност кон светицата за добрите дела. Градбата почнала во близина на селото. Изграденото ноќта Света Петка го разурнала. Тоа се повторило и вториот ден, па мајсторите третиот ден поставиле стража. На мајсторите им рекла дека ја урива градбата зошто тука не сака да и градат црква туку на местото каде што црквата сега се наоѓа.
Во манастирската црква во месецот август се изведува поетска вечер на еден од најголемите македонски писатели Живко Чинго, родум од с. Велгошти.
Манастир Св. Петка - двор www.360macedonia.com/macedonia/mk/vrdetails.php?vr_ID=2...
Св. Петка - внатрешност www.360macedonia.com/macedonia/mk/vrdetails.php?vr_ID=2...
Видео запис
www.youtube.com/watch?v=oQ0ZjyozwRw