Magdangal Statue (Lungsod Quezon)

 statue - istatwa, rebulto, anito  Magdagdag ng kategorya

 Mag-upload ng larawan

Si MAGDANGAL ay isang bagong rebulto na likha ni Napoleon Abueva, ang ating Pambansang Alagad ng Sining para sa Eskultura para sa pagdiriwang ng sentenaryo ng ating unibersidad. Ang rebulto ay isang diwatang pinakikinang ng naisalbang dangal, na umusbong mula sa mapanganib na dagat ng kasakiman at kurapsiyon. Ang isang kamay niya ay nakahanda upang harapin ang anumang panganib at ang isa naman ay nakabukas, handang umalalay at mag-alay ng pagmamahal at pag-aaruga. Ang kanyang mga mata ay mulat na mulat – nakatingin sa isang magandang bukas. Ang militanteng hubog ng rebulto ni Abueva ay isang alegorikong oposisyon sa mater dolorosa at sa tradisyonal na dalagang bukid. Ang pangalan ng rebulto, na isang pandiwa ay nagsasaad sa patuloy na pagtuklas at pagbuo ng isang pambansang dangal. SI Magdangal ay unang ipinakilala sa kolehiyo nung ika-26 ng April 2008.

Ang pormal na paghawi ng tabing ni Magdangal ay magaganap sa isang seremonya sa Hulyo 8, 2008, ika-3 ng hapon sa harap ng bagong gusali ng KAL. Inaasahang dadaluhan ito nina National Artist Napoleon Abueva, President Emerlinda Roman, at Chancellor Sergio Cao.