Мајот

 остров, територијален спор

Мајот е прекуморски департман и регион на Франција. Се состои од два острова: Гран Тер-Махоре и помалиот остров, Петит Тер-Паманзи и неколку островчиња околу овие два. Архипелагот се наоѓа на северниот дел на Мозамбичкиот канал во Индискиот океан, односно меѓу севернозападниот дел од Мадагаскар и североисточниот дел од Мозамбик. Мајот се протега на површина од 374 км², популацијата изнесува околу 194.000 жители и затоа се смета за густо населена. Мамуџу е најголем град и префектура на Мајот. Нејзината територија, географски припаѓа на Коморските острови, но со референдумот од 1974 година, политички била поделена и останала под владеењето на Франција. Оваа територија е позната и како Махоре, родното име на нејзиниот главен остров.Со референдумот од 2009 година, популацијата одобрила пристапувањето на статус на депертман( 95,2% гласале за статус на департман). На 31 март 2011, Мајот станал поморски департман.