Dakbayan sa Cagayan de Oro

 syudad, capital city of state/province/region (en), second-level administrative division (en)

Ang Cagayan de Oro mao usa ka sentro sa patigayon ug pag-alagad sa Amihanang Mindanao sa Pilipinas, gimatangmatang isip unang klase nga dakbayan. Mao usab ang sentro sa urbanidad sa Metro Cagayan de Oro.
Minubo isip CdO, CdOC, CdeO, o Cag. de Oro, nahimutang ang dakbayan sa baybayan sa norte didto sa pulo sa Mindanao. Kining dakbayan gihimo isip sentro sa rehiyon alang sa Amihanang Mindanao. Sumala sa pag-ihap sa katawhan sa tuig 2007, adunay 553,996 ka tawo.
Ang Dakbayan sa Cagayan de Oro kay usa ka dakbayan nahimutang sa baybay, atubangan sa Look sa Macalajar. Didto sa habagatang bahin sa dakbayan, ang kadaghanan mao ang mga bungtod, pampang, ug ang kabukiran gikan sa lalawigan sa Bukidnon.[1]
Daghan ug pangalan ang dakbayan. Kini gi tawag nga "Agihanan sa Amihang Mindanao" tungod sa lugar ug maayong pasilidad alang sa salakayan, "Dakbayan sa Whitewater Rafting ug River Trekking" tungod sa mga agi sa river rafting sa tibuok tuig. Pero labaw sa tanan, ang pagka abi-abi ug pagka maayo sa mga tao nga nailhan dakbayan nga "Dakbayan sa Bulawanong Panaghigala-ay". Ang ginamhan nga selyo napatik ang pulongan.
Sa iyang kaagi, ang Dakbayan sa Cagayan de Oro nakasinati ug mga panagsangka sa ika-20 nga ka siglo. Ang pagsulong sa mga Amerikano sa tuig 1990, Gubat sa Pilipinas ug Amerikano, ug Ikaduhang Gubat Kalibotanon, nagausab ang palibot sa Cagayan de Oro. Ang bug-at nga pamomba sa Ikaduhang Gubat Kalibotanon nalumpag ang lungsod. Tungod niini, naguba ang karaang St. Augustine Metropolitan Cathedral nga gigama pa sa tuig 1845, nawagtang na ang ulahing kabilin sa Katsila sa dakbayan.
Adunay ubang lugar sa Pilipinas nga gibansag ug "Cagayan". Kinahanglan makabalo ang unsa ang Cagayan de Oro sa lalawigan sa Cagayan didto sa Luzon, ug Mga Pulo sa Cagayan didto sa Dagat sa Sulu.