Barangay San Francisco, Canaman, Camarines Sur, Philippines

Mga komento

• 
  Jun Ramos (guest)

  Bantog ang pangaran kang Barangay na ini sa pangaran na Bawa. Hali ang pangaran na ini sa tataramon na "pawa-pawa" (sarong klaseng duut o kahoy - mas maray siguro na ihapot ini sa mga gurang sa Bawa kun ano yan). Nagin Bawa ini, nin huli ta kadtung tiyempong Hapon "daa" igwang nagdurulag na mga Insorectos (mga Pilipinong padagos na nagkikipaglaban sa mga Hapon) pasiring sa lugar na ini, na kun sain, ang lugar na ini, dakul mga pawa-pawa. Kang hinapot kang mga Hapon si mga tawong inaragihan ninda, kung sain nagduruman si mga Insorectos, sabi kang si mga tawo, "duman sa mga pawa-pawa" (sabay itinukdu an lugar). Nin huli ta dai masambit na tama kang si mga Hapon ang tataramon na pawa-pawa, ang nasasambit lang ninda iyo ang "bawa". Poon kaidtu, iyo na ang apod sa Barangay na ini. Alagad, nin huli ta ang Barangay Patron digdi iyo si San Francisco de Asisi, ang rehistradong pangran kang barangay na ini, iyo ang Barangay San Francisco. Duwa ang pistang isini-celebrar sa barangay na ini kada taon. Ang sarong pista, iyo ang kada Mayo 10, iyo ini ang inaapod na Santa Cruzan, na kun sain igwa nin Lagaylay. Ang lagaylay sarong pangadyion na inaagi sa pagbayle asin pagkanta kang mga daraga sa atubangan kang mahal na Cruz. Ang ika-duwang pista, iyo ang pag celebrar kang comple-año ni Señor San Francisco de Asisi, ini isine-celebrar kada Oktubre 3 hanggang 4, taon-taon.

  17 taon ang nakalipas | reply | hide comment
• 
  Jun Ramos (guest)

  Inihapot ko sakuyang Ama (Emeterio Zoila Ramos, Sr.), kun ano ang "pawa-pawa", ang simbag nya "sarong sadit na karo-kadlagan". Ang kadlagan, haralo ang nagtuturubo o ang mga maheheling. Pag inapod nin kadlagan ang sarong lugar, ini igwang kadudutan asin kakahoyan. Ang kadlagan, paboritong istaran kang gotu, sawa, halas, darakulang gamgam, asin kun anu-ano pang mga layas na hayop (wild animals).

  17 taon ang nakalipas | reply | hide comment