Stadiumi dhe Sterna

 ruins (en)  Add category

Struktura e stadiumit të Bylisit (sipas N. Cekës) paraqet një zgjidhje të veçantë, me vetëm një krah, të mbështetur në pjerrësinë e terrenit. Ai kishte një gjatësi rreth 190 m, standard i cili ishte arritur nëpërmjet zgjatimit të pistës përpara teatrit. Spektatorët ndiqnin garat sportive duke qëndruar në këmbë. Në një bllok të shkallares ruhet ende mbishkrimi që përkujton lirimin e një skllavi. Veçoria më tipike e stadiumit të Bylisit është ndërtimi i një sterne uji të përmasave të mëdha, nën pistën e krahut verior. Sterna shërbente për të mbledhur ujërat e shirave nga shkallarja e stadiumit dhe nga çatia e stoas së madhe. Sterna ishte mbuluar me një sistem harqesh prej blloqesh gëlqerore, si dhe e ndarë në 5 vaska filtrimi uji dhe dekantimi. Ndërtimi i stadiumit dhe i sternës datojnë në të njëjtën periudhë, rreth mesit të shek. III p. Kr. Pjesë të shkallares së stadiumit janë ripërdorur si hyrje për në bazilikën A gjatë periudhës së Antikitetit të Vonë.

Tabela, Janar 2022: i.imgur.com/5KEDHmO.jpeg