Wikimapia is a multilingual open-content collaborative map, where anyone can create place tags and share their knowledge.

Bazilika C

Albania / Mallakaster / Ballsh /
 basilica (en), ruins (en)

Bazilika C, kishë paleokristiane e çerekut të dytë të shekullit të VI m. Krishtit, është një monument me përmasa mesatare, me dimensione maksimale 33 x 22,8 metra. Ajo ka tri nefe, në veri dhe në jug të narteksit ndodhen dy anekse liturgjike, dhe portikun. Në absidë mbështetej sinthroni i thjeshtë me tri shkallë, për uljen e klerikëve. Para tij qëndron altari, prej të cilit ruhet vetëm bazamenti, dhe poshtë tij relikeri. Ndarja e nefeve është realizuar me arkada të mbështetura mbi kolona monolite prej guri me kapitele jonike me imposte të zbukuruara, të vendosura mbi një stilobat të lartë. Hapësirat midis kolonave ishin të mbyllura me parapete. Sanktuari dhe një prej anekseve janë shtruar me mozaikë me motive gjeometrike, bimore, zoomorfe dhe figura njerëzore. Skenat më të veçanta janë ato të sanktuarit, ku në një prej paneleve paraqiten dy tufa me gjashtë qengja, që personifikojnë apostujt që shkojnë drejt altarit, ndërsa në panelin tjetër paraqiten pjesëtarë të klerit me kandelabër në dorë që drejtohen për në kishë. Një mbishkrim në mozaik tregon se ai ka qenë realizuar në kohën e peshkopit Praisios, i cili për fat të keq nuk përmendet në listat e peshkopëve të Bylisit. Bazilika C mendohet se është ndërtuar në çerekun e dytë të shek. VI m. Kr.

Tabela, Janar 2022: i.imgur.com/zVi4LRY.jpg
Nearby cities:
Coordinates:   40°32'25"N   19°44'13"E
This article was last modified 3 years ago